Қазақстан Республикасы Тәуелсіздігінің 20 жылдығына арналған іс-шаралар жоспарына сәйкес, қазан айының 13-і күні №50-ші және №11 орта мектептердің 8-9 сыныптарының құрама командалары арасында футболдан «Тәуелсіздіктің 20 жылдығы Кубогы» үшін  жолдастық кездесу өтті. Аталған спорттық шараның мақсаты, жасөспірімдерді салауатты өмір салтына баулу,, спортқа деген қызығушылықтарын арттыру, дені сау, рухы мықты отаншыл азамат тәрбиелеуге үлес қосу болып табылады. Екі мектептің құрама командалары да намысты қолдан бермеу үшін барын салып, өз жанкүйерлеріне көңілге қонымды ойын көрсете білді. Ойын қорытындысы бойынша 2 ұпаймен қарсыластарынан  басым түскен №11 мектеп құрама командасы Қазақстан Республикасы Тәуелсіздігінің 20 жылдығына арналған шағын кубогына ие болды. Алдағы уақытта мектепте мемлекетіміздің 20 жылдығы құрметіне дойбыдан, волейболдан, баскетболдан және шаңғыдан жарыстар ұйымдастыру жоспарланып отыр.