ҚР Денсаулық сақтау министрінің 2012 жылдың 12 ақпанындағы №104 «2012 жылы салауатты өмір салтын қалыптастыру іс-шараларын өткізу туралы» бұйрығын жүзеге асыру мақсатында 2012 жылдың 22-31 қазан аралығында алкоголь тұтыну деңгейін төмендету он күндігі және 2012 жылдың 31 қазанда алкогольден бастарту ұлттық күніне байланысты ММ №34 ЖББОМ іс-шараларды ұйымдастырды. Атап айтсақ, Шержанова А.Р. жетекшілік ететін 6 «а» сыныбында «Арақтан, аман болшы, балапан!» конференция-сабағы өтті. Бұл іс-шараның көздеп отырған мақсаты: «Бірінші байлық - денсаулық», олай болса, «Қазақстан – 2030» бағдарламасында көрсетілгендей өркениетті елдің әрбір азаматының денсаулығы мықты, хал-ахуалы жақсы болу үшін зиянды әдеттерден ішімдектен жерітіп, денсаулыққа, болашақ ұрпаққа жау екендігін ұғындыру.
Тәрбиелік мақсаты: Маскүнемдіктің зардаптары. Маскүнем ата-аналардан туған балалар ұмытшақ, алаңғасар, халқымызға пайдасыз болып өмірге келетінін жете түсіндіру. Дамытушылығы: Арақтың зиянына ғылыми дәлелденген деректер бойынша нақты фактілермен көз жеткізу. Өркениетті елімізге лайықты зиянды әдеттерге қарсы күресетін, білімді де тәрбиелі тұлға қалыптастыру.
Байланыс телефондары
