Мемлекет басшысы Н.Ә.Назарбаевтың қолдауымен 1995 жылдың 1 наурызында құрылған Қазақстан халқы Ассамблеясы этностық немесе діни ерекшелігіне қарамастан әрбір азаматтың азаматтық құқықтары мен еркіндігі толығымен қолданылатын Қазақстанның саяси жүйесінің маңызды элементі болып табылды.
Ел Президенті Н.Ә.Назарбаев Қазақстан халқы Ассамблеясын құру идеясын алғаш рет 1992 жылы Қазақстан халқының бірінші форумында жариялады. Қазақстан халқы Ассамблеясының қызметі мемлекеттік ұлттық саясатты іске асыруға, республикада қоғамдық- саяси тұрақтылықты қамтамасыз етуге және этносаралық келісімді қамтамасыз ету мәселелері бойынша азаматтық қоғам институттарымен және халықаралық ұйымдармен өзара іс-қимыл жасауға бағытталған.
Бүгінде Ассамблея ел Президенті Төрағалық ететін конституциялық орган болып табылады. Бұл оның ерекше мәртебесін айқындайды. Ассамблеяның құқықтық мәртебесі қалыптасу тәртібінің, басқару органдары мен құрылымдардың уақыттары белгіленіп, ҚХА қызметінің мақсаты, негізгі міндеттері, бағыттары анықталып, этнос аралық қатынастар саласында мемлекеттік саясатты іске асыратын ҚР «Қазақстан халқының Ассамблеясы туралы» арнайы Заңымен, «Қазақстан халқының Ассамблеясы туралы Ережесімен» айқындалады.
Халқтың көпұлтты құрамы бар аймақтарда Достық үйлері жұмыс істейді. Мемлекет Басшысының тапсырысы бойынша Алматы қаласында «Достық Үйі», Астанада- бейбітшілік және келісім сарайы құрылған. Бұл жерлерде жыл сайын Қазақстан халқы Ассамблеясының сессиясы, әлемдік және дәстүрлі діндер съезі, маңызды іс-шаралар өтеді. Қазақ және орыс театрларынан басқа елімізде және төрт ұлттық театр бар – өзбек, ұйғыр, корей және неміс.
Байланыс телефондары
