Кітапхананың құрылымдық бөлімдері
Қазақстандық білім беру мазмұнының жаңаруы мектеп кітапханасының да оқу-тәрбие үдерісіне белсенді қатынасуын талап етеді.Оқушылардың кітапқа деген деген қызығушылығын дамыту, оқу сауаттылығын арттыру мақсатында мектеп кітапханасы мен оның құрылымдық бөлімдерін заман ағымына сай жабдықтау, құрылымдау қолға алынды.
Кітапхана-медиацентр озық электронды құрылғылар орнатылып; кітап оқуға тарту, зейінін шоғырландыру, қиялын дамыту, шабытын ашу, көңіл-күйін орнықтыру үшін әсем безендіріліп жаңа тыныспен қайта қоданысқа берілді.
Ыңғайлы кітап алмасу үшін мектебімізде «Букроссинг бұрыштары» талапқа сай жасақталған, оған оқушылар кітаптар алып келіп, ал өздеріне ұнаған кітапты алып кете алады.
«Цифрлық Қазақстан» мемлекеттік бағдарламасында ұсынылған мобильді smart кітапхана жобасы аясында QR-код стенді орнатылған. Енді оқырмандар мектеп бағдарламасы бойынша оқуға тиіс көркем әдебиеттерді смартфон арқылы оқи алады.
Алдағы уақытта оқушы мен кітапхана арасындағы байланысты үзбеу жолында осы саладағы тиімді әрі пайдалы тың идея, жаңалық, өзгерістерді енгізуді жалғастырамыз!
Ы. Алтынсарин атындағы кітапхана-медиацентр. Буккросинг бұрышы. Мобильді кітапхана. 
Жаңа оқу жылында КММ «№101 мектеп-лицейінің» кітапханасы жаңа форматта заманауи озық технологиялардың енгізілуімен кітапхана медиацентр ретінде қайта жасақталды.
Медиацентр – технологиялық дерекқорларды сақтауға мүмкіндігі бар түрлі ақпарат тасымалдау құралдарында құжаттарды, кітап қорларын жинауды, оны көрсетуді, жалпылама айтқанда оқырманмен жаңа формада жұмыс жасауды көздеген кітапхананың жаңа құрылымдық бөлімі. Медиацентр заманауи форматта ақпаратты жеткізу, білім беру орталығы болады және кітапхананың ақпараттық ресустарының әртүрлі түрлеріне (кітаптар, аудиожазбалар, газет-журналдар т.б) оқушылардың еркін қолжеткізуін қамтамасыз етеді. Қолданушылардың, яғни оқырмандардың өздерінің ақпараттық мәдениеті мен өз бетінше білім алу деңгейін арттыруға деген қажеттілігін дамыту үшін өз бетімен ақпараттық-танымдық қызметпен айналысуына жағдай жасайды. Медиацентрға келушілер әр түрлі форматтағы ақпарат тасымалдаушыларындағы: баспа түрінде, аудиожазбалардағы, цифрлы және электронды-желілік құрылғылардағы керек, қызықты деп санаған материалдарын оқуға, тыңдауға, көруге мүмкіндік алады.
Кітапхана өз ішінде бірнеше шағын блоктарға (бөліктерге) бөлінеді. Әр зонаның өзінің міндеттері бар. Айта кетер болсақ, 1-зона - электронды зона, бұл жерде оқушы кітаптардың электронды нұсқада оқи алады, аудиокітаптарды тыңдау мүмкіндігі бар, көркем шығармалардың экрандалған нұсқасын көре алады; 2-зона - демалыс зонасы оқушының шығармашылықпен айналысатын бөлігі, бұл жерде оқырман еркін отырып кітап оқи алады, сол оқыған кітабы бойынша сурет, қолөнер бұйымдарын жасай алады, тіпті, өлең шығаруына да болады, үстел ойындарын ойнауыңызға жағдай жасалған. Жалпылама айтқанда, шығармашылықпен айналысатын орын;
3-зона - дискуссияға арналған, яғни, түрлі тақырыптарды әртүрлі форматта талқылауға арналған дөңгелек үстелі бар аумақ, бұл жерде түрлі іс-шаралар: дөңгелек үстелдер, конференциялар, дебаттар, ақын-жазушылармен кездесулер ұйымдастыру көзделген. «Бір кітап, бір аймақ» және тағы да басқа акциялар бойынша оқыған кітаптарын талқылауға арналған тамаша орын.
4-зона - аудиторияға арналған зал. Әр түрлі іс-шаралардың өту барысын осы жерде отырып көруге, тыңдауға, тамашалауға болады.
5-зона - кітапханашы бұрышы, бұл жерде қызықтырған жанр, автор бойынша кітап таңдауда кеңес алу, кітапты электронды құрылғыда рәсімдеу сияқты мәселелермен кітапханашының көмегіне жүгінесіз.
6-зона - электронды сенсорлы киоск орналасқан аумақ. Сенсорлы киоск «MarcSchool», «All My Books» сияқты кітапхана жұмысын жеңілдетуге, оқырманның компьютерлік сауаттылығын арттыруға арналған бағдарлама орнатылған, электронды, аудио кітаптар енгізілген электронды құрылғы. Оқушыларға, ұстаздарға ақпараттық-анықтамалық көмекші ретінде қолданылады. Жоғарыда аталған бағдарламалар арқылы оқырман қалаған автор, бағыт бойынша кітап таңдай алады, кітаптың тұрған жерін оңай таба алады және кітапханашының көмегінсіз алған кітабын аты-жөнін, сыныбын, қайтару мерзімін көрсету арқылы оңай рәсімдей алады.
Жаңа форматта жасақталған, жаңартылған кітапханаға кірген сәтте ұлы ағартушы, алғашқы ұстаз Ыбырай атамыздың «Кел, балалар, оқылық!» атты ұлағатты сөзі бірден көзге түскеді.
Заманауи үлгіде жасақталған жаңа кітапханаға оқушылар Ыбырай атамыздың сөздерімен қанаттанып, жаңа білім алуға, білімдерін молайтуға, болашақта ел тұтқасын ұстар саналы, озық біліммен қаруланған сауатты ұрпақ болып өсуді мақсат етіп аяқ басады, кітап оқудан қол үзбейді деген үміттеміз! Шәкірттеріміздің болашағы жарқын болсын!
