«АТАМЕКЕН» этнографиялық лагері

Мектеп жанындағы «Атамекен» лагері 4 маусымнан жұмыс істейді. «Атамекен» лагерінің мақсаты – оқушылардың демалысын, бос уақытын және сауықтыруын қамтамасыз ету. Лагерді қызықты ұйымдастыру арқылы шығармашылық ойлау қабілеттерін арттыру, рухани қасиеттерді дамыту, өз Отанына деген сүйіспеншілігін арттыру.

4 маусымда Мемлекеттік рәміздер күніне арналған зияткерлік марафон өткізілді. Рәміздер тарихы туралы, авторлары туралы оқушылар білетіндерін ортаға салып, қосымша ақпараттар алды, викториналық сұрақтарға жауап берді. Балалар «Мемлекеттік рәміздер – тәуелсіз елдің басты белгісі» деген тақырыптарда өз ойларын ашық айтып, пікірлерімен бөлісті.

5 маусымда «Болашақ біздің қолымызда» атты спорттық ойындар өткізілді. Балаларға салауатты өмір салтын сақтау біздің халқымыздың болашағы екенін түсіндіру мақсатында ашық аспан астында, таза ауада әңгіме жүргізілді. Балалар «Жеңіс» саябағына серуенге шықты.

6 маусымда «Астана тарихы – менің тарихым» атты танымдық ойын өткізілді.  Қазақстанның болашағы білімді мамандар қолында екенін түсіндіре отырып, «Кім болғым келеді?» атты стилистер, дизайнерлер, модельерлер т.б. сайысы өткізілді.

7 маусымда «Қазақстан – армандар орындалатын мекен»  атты зияткерлік ойыны өткізілді. Балалармен Қазақстан тарихы, экономикасы, табиғаты, қалалары туралы  білімдерімен бөлісу мақсатында топтық жұмыс жүргізілді.

8 маусымда «Ел іші – алтын бесік» атты сөзжұмбақтар, ребустар, мақал-мәтелдер жарысы өткізілді. Балалардың бос уақытын қызықты өткізу мақсатында  «Таир» СО кинотеатрына апардық. Балалар «Мир юрского периода-2» фильмін тамашалап, көтеріңкі көңіл-күймен лагерге оралды. 

«Атамекен»этнографиялық лагері

2018 жылдың 11 маусымында «Атамекен» лагерінің балаларымен «Менің елімнің табиғаты» тақырыбында пікірталас ұйымдастырылды. Одан кейін орталық саябаққа саяхатқа шығып, экомұражайға барып еліміздің экологиясы, пайдалы қазбалары туралы тыңдап қайтты.

2018 жылдың 12 маусымында «АТАМЕКЕН» этнографиялық лагерінде  «Біз – әлем азаматымыз» атты танымдық-сауықтық бағдарлама өткізілді. Балалар  берілген тақырып бойынша кластер құрады, өз ойларын ортаға салып, бір-бірене сұрақ қойды. Балалар белсенділік таныта отырып, берілген тапсырманы қызығушылықпен орындады.

2018 жылдың 13 маусымында «АТАМЕКЕН» этнографиялық лагерінде  «Туған жер – тұғырым» атты эсселер (ойтолғау) өткізілді. Балалар  берілген тақырып бойынша  өз ойларын қағаз бетіне түсірді.  Ойтолғау жазу барысында өзінің туған жерінің бір бөлшегі екенін,  елінің болашағы екенін, туған жер ошақ басынан, отбасынан бастау алатынын өте тамаша жеткізе алды.

2018 жылдың 15 маусымында «АТАМЕКЕН» этнографиялық лагерінде  «Кітап – біздің досымыз» тақырыбында балалармен  әңгіме жүргізіліп, соңғы оқыған кітабы, сүйікті шығармалары мен кейіпкерлері туралы сұхбат жүргізілді.  Одан кейін М.Әуезов атындағы кітапхана филиалына экскурсияға барды. Кітап қорымен танысып, оқушылардың кітап оқуға қызығушылығы оянып, оқырман ретінде тіркелді.

Күн, таза ауа  және су

Экологиялық лагерь мен «Атамекен» лагердің балалары Аквапаркта жазғы демалыс уақыттарын көңілді өткізді. Суда жүзіп, аквапарктің атракциондарына ойын күлкімен қатысып балаларымыз солай жақсы демалғандарына шексіз риза болды. 

***

Фильм, фильм, фильм...

Экологиялық лагерь мен «Атамекен» лагердің балалары «Сарыарқа» кинотетарында өткен «Чудо-женщина» фильмге қатысып, уақыттарын қызықты өткізді. Грек мифологиясы мен заманауи оқиғаларды тамашалады.

***

Жаттығуға тұрыңдар!

Жазғы лагерь күнде таңғы жаттығудан басталады.Біз «Дені саудың-жаны сау»деген ұранды орындаймыз.Осы аптада бірде-бір ауруға жол бермедік.Спортжандылық біздің лагерь балаларының басты қызығушылығы.Біз көңілді эстафеталар мен спорттық ойындарды өте жақсы көреміз.

***