1 желтоқсан - Тұңғыш Президент күні

«Қазақстан Республикасындағы мерекелер туралы» Қазақстан Республикасының Заңына сәйкес ағымдағы жылғы 1 желтоқсанда барлық жерде Қазақстан Республикасының Тұңғыш Президенті күні мерекеленеді.

       Тұңғыш Президент күнін мерекелеудің негізгі мақсаты қоғамды елдің Тәуелсіздік жылдарында, қазіргі уақытта іргетасы болып табылған және болашақта іргетасы болып табылатын Мемлекет басшысының идеясы мен саясатының айналасына біріктіру.

      Тұңғыш Президент күнінің елімізде алғаш рет тойланып отырғанын ескере отырып, орталық және жергілікті жерлердегі дайындық жұмыстарының мынадай тәсілдерге сәйкес бірыңғай алгоритмін айқындау талап етіледі.

Біріншіден, 1991 жылғы 1 желтоқсанда тарихта тұңғыш рет жалпы халық боп Қазақстан Президентін сайлаған қазақстандықтардың ерік-жігер танытуының тарихи мәнін түсіндіру жөніндегі практикалық жұмысты ұйымдастыру қажет.

    Тұңғыш Президент – Елбасы Н.Ә.Назарбаевтың көрегендік саясатының Тәуелсіз Қазақстанды Орталық Азия өңіріндегі, ТМД-дағы алдыңғы орынға алып шыққанына және халықаралық аренада мойындалғанына ерекше назар аударған жөн.

         Мемлекет басшысының жүргізіп отырған салиқалы ішкі және сыртқы саясаты әлеуметтік-бағдарлы экономикасы бар заманауи, қарқынды дамушы мемлекет құруды қамтамасыз етті.

     Мемлекет азаматтардың үйлесімді және жан-жақты дамуы, олардың құқықтары мен бостандықтарының сақталуы, ұлтаралық келісімнің сақталуы мен азаматтық қоғамның қалыптасуы үшін құқықтық және әлеуметтік-экономикалық жағдайлар жасады.

   Ұйымдастыру-практикалық іс-шаралар қоғамдық санада Мемлекет басшысының инновациялық индустрияландыру, Жалпыға Ортақ Еңбек Қоғамын қалыптастыру, әлеуметтік жаңғырту, Еуразиялық интеграция және G-Global жобасы жөніндегі түйінді алғы шарттарын белсенді ілгерілетуді мақсат тұтуға тиіс.

Екіншіден, бұл ретте азаматтық қоғам институттарының бастамаларына табан тірей отырып, халық арасында, әсіресе жастар ортасында ауқымды ақпараттық-түсіндіру жұмысын өрістету маңызды.

  Мерекелік іс-шараларды дайындауға және өткізуге Қазақстан халқы Ассамблеясын, саяси партияларды, үкіметтік емес ұйымдарды, бұқаралық ақпарат құралдарын, жұмыс берушілер мен кәсіподақтар бірлестіктерін тарту қажет. Жастардың, этномәдени орталықтардың, оқу орындарының, меншік түріне қарамастан кәсіпорындар мен ұйымдар еңбек ұжымдарының бастамаларын қолдауды қамтамасыз ету маңызды.

     Жүргізілген жұмыс тиімділігінің маңызды көрсеткіштерінің бірі елдің барлық елді мекендерін жаппай қамту қағидаты болуға тиіс.

Үшіншіден, ақпараттық жұмысқа бұқаралық ақпарат құралдарын меншік түріне қарамастан тарту керек.

        Тұңғыш Президент күнін мерекелеудің жалпыұлттық сипатын назарға ала отырып барлық ақпарат құралдарымен өзара іс-қимылдың сенімге ие және сындарлы форматын құрған дұрыс. Ақпараттық жұмыс орбитасына журналистер қоғамдастығының шығармашыл ойға кенен өкілдерін, белсенді блогерлер мен қоғамдық пікір көшбасшыларын тарту маңызды.

         Астана қаласында өткізілетін мерекелік іс-шараларды жергілікті БАҚ-тың жариялауына айырықша басым назар аударған жөн. 

        Ақпараттық-түсіндіру жұмысының маңызды бағыттарының бірі безендірудің сыртқы ортасы инфрақұрылымын кешенді пайдалану болып табылады. Осыған байланысты, алдағы мерекелеудің идеологиялық мазмұнының қалалардың, аудандар мен елді мекендердің сыртқы орталары элементтерінде көрініс табуы жөнінде шаралар қабылдау талап етіледі.

       Жалпы, аталған тәсілдерді ескере отырып мерекелік іс-шараларды дайындау мен өткізу қоғамдық санада Тәуелсіздік құндылықтары мен патриотизмді нығайтуға, Қазақстан Республикасының Тұңғыш Президенті – Елбасының басшылығымен жүргізіліп жатқан жаңартулардың орасан маңызын жеткізуге, жасампаз еңбек құндылықтары мен әрбір қазақстандықтың мемлекеттіліктің одан әрі дамуына қосқан үлесін ілгерілетуге бағытталуға тиіс.

Алда тұрған Қазақстан Республикасының Тұңғыш Президенті күніне сапалы дайындық пен оны өткізуді қамтамасыз ету мақсатында мыналар қажет деп ойлаймын:

1) орталық мемлекеттік және жергілікті атқарушы органдар басшылары:

барлық жерлерде салтанатты жиналыстар, елдің, түрлі салалардың дамуына елеулі үлес қосқан азаматтарға құрмет көрсету мен көтермелеу рәсімдерін ұйымдастырсын;

мемлекеттік қызметке жаңадан қабылданған қызметкерлердің салтанатты ант қабылдау рәсімдерін ұйымдастырсын;

алдағы мерекелеу орбитасына меншік түріне қарамастан барлық кәсіпорындар мен ұйымдарды тартуды қамтамасыз етсін;

2) Мәдениет және ақпарат министрлігі орталық мемлекеттік органдармен,  Астана және Алматы қалалары, облыстар әкімдерімен бірлесіп:

жоғарыда баяндалған тәсілдерді ескере отырып Тұңғыш Президент күнін мерекелеуді кеңінен ақпараттық сүйемелдеуді ұйымдастырсын;

Елбасы – Тұңғыш Президенттің Тәуелсіз Қазақстанның тәуелсіздік алуындағы, оны қалыптастырудағы және нығайтудағы рөлі туралы мақалалар мен хабарлар циклін дайындасын, олардың ішінде өңірлік БАҚ-та;

орталық және өңірлік теле және радиоарналарда Қазақстан Республикасының Тұңғыш Президенті күнін мерекелеуге арналған іс-шаралардың трансляциясын ұйымдастырсын, бұл ретте оларды ала жарнамалауды ескерсін;

алдағы мерекелеуді идеологиялық сүйемелдеу шеңберінде сыртқы безендіру элементтерінің үлгі нобайлары топтамасын әзірлеп, Астана және Алматы қалаларының, облыстардың әкімдеріне жолдасын;

3) Қорғаныс, Ішкі істер, Төтенше жағдайлар министрліктері әскери бөлімдер мен бөлімшелерде жауынгерлік және оқу дайындықтарында ерекше көзге түскендерді көтермелей отырып салтанатты сап түзеулер өткізсін;

4) Ішкі істер министрлігі, Ұлттық қауіпсіздік комитеті, Бас прокуратура, Астана және Алматы қалаларының, облыстардың әкімдері:

мерекелік іс-шараларды өткізу кезеңінде қоғамдық тәртіпті күзетуді қамтамасыз етсін және тәулік бойы кезекшілік ұйымдастырсын;

ықтимал әлеуметтік шиеленіс ошақтарына жедел мониторингті күшейтсін және қоғамдық-саяси жағдайды тұрақсыздандыру әрекеттерінің алдын алу мен жолын кесу жөнінде қажетті шаралар қабылдасын;

5) Сыртқы істер министрлігі Қазақстан Республикасының барлық шетелдік мекемелерінде Тұңғыш Президент күнін мерекелеуге байланысты салтанатты іс-шаралар өткізілуін қамтамасыз етсін;

6) Астана және Алматы қалаларының, облыстардың әкімдері:

түрлі мақсатты топтарды, әсіресе жастарды, алдағы іс-шаралар бағдарламасына кеңінен және жаппай тарта отырып, өңірлік іс-шаралар жоспарларын әзірлеп, іске асыруды;

ағымдағы жылғы 1 желтоқсанда Астана қаласындағы Тұңғыш Президент күніне арналған іс-шараларға өңірлік делегациялар мүшелерінің қатысуын;

мерекенің идеологиялық мазмұнын ескере отырып елді мекендердің алаңдары мен көшелерін мерекелік безендіруді;

барлық халық тіршілігін қамтамасыз ету жүйелерінің (соның ішінде сумен, жылумен және газбен қамтамасыз етудің) іркіліссіз жұмыс істеуін;

ауыл тұрғындарын, мұқтаж және аз қамтылған азаматтарды, көп балалы және толымсыз отбасыларын қолдауға бағытталған қайырымдылық акциялар мен жәрмеңкелер ұйымдастыруды қамтамасыз етсін.

Жалпы, Тұңғыш Президент күнін мерекелеу жалпы ұлттық сипатқа ие болуға, қазақстандықтардың ұлттық және діни тиесілілігіне қарамастан шоғырлануына ықпал етуге, оларды «Әлеуметтік – экономикалық жаңғырту – Қазақстан дамуының басты бағыты» атты Президенттің Қазақстан халқына Жолдауында қойылған экономикалық және әлеуметтік жаңғырту міндеттерін іске асыруға жұмылдыруға тиіс.

     1 желтоқсан күні -Тұңғыш Президент күні. Былтыр Парламент 1991 жылғы 1 желтоқсанда өткен Тұңғыш Президенттің сайлауына қатысты осындай шешім қабылдаған болатын. Аталған мерекеге орай ауданымызда бірқатар мерекелік іс-шаралар жоспарлануда.