Екі апта ауылда

  «Ауылдағы екі апта»– ұлттық мәдениет пен салт-дәстүрлерді танып, ауылдың тұрмыс-тіршілігін білуге бағытталған әлеуметтік тәжірибе.

  Мақсаты – ауылдың тұрмыс-тіршілігін таныту арқылы ұлттық рухани құндылықтарды оқушының бойына сіңіру.

  Осы жоба аясында бала ауылдағы ата-әжесінің болмаса туысқанының үйіне барып, екі апта бойы блог жүргізеді, сол ауылға қатысты аңыз-әңгімелерді тыңдап, бәрін жинап әкеледі.

«Ауылым – алтын бесігім»

  Мен Бағдәулет Жанерке Қарағанды қаласы № 50 негізігі орта мектебінің 8 «Ә» сынып оқушысымын.

 ЖБИ елді мекенінің № 40 ауылында жеке кәсіпкерлікпен айналысатын әкем Бағдәулет пен анам Күләшті мақтан тұтамын.

 Себебі, қазақтың ұлттық тағамдары ет пен сүт өнімдерін таза табиғи еш қоспасыз өндіріп, күнделікті отбасы мүшелері мен халықтың тұтынуына жағдай жасап отыр.

 Жазғы демалыста осындай үлкен еңбектің куәгері болдым. Сонымен қоса өз үлесімді қостым.

«Нұр-Сұлтан – елімнің жүрегі»

   Жазғы демалыста Отанымыздың бас қаласы, астанасы Нұр-Сұлтан қаласына барып саяхаттап қайттым. 

«Қошақаным қайда екен?»

    Бауырым Ердос өз қошақанын өте жақсы көреді. Тек жақсы көріп қоймай жем-шөп, су береді. Өріске шығарып салып күтіп алады. Қазақтың төрт түлікті қастерлегенін әке мен анам күнделікті айтып отырғандықтан болар, Ердос бауырым да жасы небәрі 6 жаста болса да малды күтуді жақсы біледі. 

«Қымыз – шипалы сусын»

     Төрт түліктің бірі, Қамбарата пірі болған жылқы малына деген сүйіспеншілік жоғары. Қымыз – ата-бабамыздан келе жатқан шипалы сусын. Емдік қасиеті өте жоғары сусын.

«Ауыл кеші көңілді»

Кешкі мезгіл қандай тамаша! Зеңгібаба пірі болған сиыр малы өрістен келген кезде сарай маңы азан-қазан.

Сиыр малы малынан сауылған сүтті анам өзінің сүйікті сүт машинасына тартып, қою, дәмді, табиғи таза, сапалы қаймақ алады. Алынған қаймақтан сары май, көк сүттен дәмді құрт дайындайды. Сонымен бірге жәрмеңке кезінде сатуға өткізеді.

Етін сатып, халықты қамтамасыз етеді. Және де түскен қаражатты отбасы қажеттілігіне жұмсайды.

«Отан отбасынан басталады»

   Отбасымыз өте үлкен. Әжеміз Монғолия елінен келіп, мәз мейрам болдық. Күндізгі күйбің тіршілікті ұмытып, дастарқан басында шүйіркелесіп отырғанға не жетсін!

  «Еңбектің наны тәтті, Жалқаудың жаны тәтті», - деп Абай атамыз жырлағандай ерте жастан еңбектенуді, мал шаруашылығының қыр-сырын түсінуді үйренгеніме ризамын.