2019 жылдың 1 шілдесінен 30 қыркүйек аралығында жыл сайынғы жалпы республикалық «Мектепке жол» акциясы өткізіледі.  Биылғы дәстүрлі акция «Жүректен жүрекке» атауымен аталып өтпек.

       Акцияның мақсаты – аз қамтылған  және көп балалы отбасылардан шыққан, жетім балалар мен ата-анасының  қамқорлығынсыз қалған оқушыларға  жаңа оқу жылына дайындық кезеңінде және әлеуметтік себептер бойынша балалардың мектепке бармауының алдын алу үшін материалдық және басқа да көмек көрсету.

     Акция барысында мектепке бармайтын балаларды анықтауға, сонымен қатар мектепке дайындау бойынша әлеуметтік қорғалмаған отбасынан шыққан балаларға көмек көрсетуге басты назар аударылады.

  «№50 негізгі орта мектебі» КММ  қаламыздың барлық азаматтарына, бизнесмендерге, кәсіпкерлерге, меценаттарға акцияға қосылуға және өмірлік қиын жағдайға тап болған балаларға, отбасыларға көмек көрсетуге, сондай-ақ мектепке өз жолын табуға қол ұшын беруде үлестерін қосуға шақырады.

  Акцияға ат салысуға ниет білдірушілер  №50 НОМ КММ сенім телефонына:8(7212)41-75-85 нөміріне хабарласуларына болады.

       Жасалған жақсылықтар жүректерден жүректерге жетсін!

«Жүректен жүрекке»

   №50 негізгі орта мектебінде республикалық «Мектепке жол» акциясы аясында «Жүректен жүрекке» ұранымен қайырымдылық іс-шарасы жалғасын табуда. Біздің мектеп тамыз айының  20-ы күні қалалық білім бөлімінің  «Мектепке жол» акциясы аясында ұйымдастырылған жоспарына сәйкес пресс-конференцияға белсене қатысып,  аз қамтылған, көпбалалы отбасылардың 6 баласына  мектеп сөмкесі мен оқу-құралдармен қамтылған портфельдер табыс етілді. Бұл керемет қамқорлықты ауданымыздың сыйлы тұрғыны жеке кәсіпкер Авилов Анатолий Валерьевич атты азамат қайырымдылық танытып акцияға өз үлесін қосты. Жаңа оқу жылының қарсаңында балаларға жасаған қомқорлығы  үшін ауданымыздың жеке кәсіпкер Авилов Анатолий мырзаға ата-аналар, балалар және  мектеп әкімшілігі тарапынан шын жүректен шынайы алғысымызды  білдіреміз.