30.04.2018 ж. Мектеп кітапханасында 11 «Б»сынып оқушыларына Н.Ә. Назарбаевтың «Тәуелсіздік дәуірі» кітабы таныстырылды. Аталмыш кітаптың алғысөзі Елбасының «Бұл кітап мені үнемі қолдаған, болашаққа қазақстандық жолмен нық қадам басқан халқыма арналады» деген сөзі болды. Тарихи публицистикалық жанрда жазылған бұл кітап елдің жаңа тарихы мен оның болашағына авторлық көзқарасын білдіреді. Тәуелсіз елдің қалыптасу кезеңдері, негізі қалануынан бастап сипатталады. Бұл маңызды шешімдер қабылдаған жылдар болатын, ол шешімдер елдің  дамуына байланысты болатын, ол кезде бір қате қабылданған шешім елдің дамуына үлкен ықпал етер еді. Осы қиын кезеңде Нұрсұлтан Назарбаевтың қажырлы еңбегі «қазақстандық даму жолын» нақты анықтауға мүмкіндік берді. «Тәуелсіздік дәуірі» кітабында «қазақстандық даму моделінің» мәні, кезеңдері мен жетелеуші күші көрсетілген.