Сәуірдің 21-жұлдызында №101 мекетеп ұжымы оқушылар мен ата-аналарға арнап мектеп ауласында «Наурыз-2018» мерекелік іс-шарасын ұйымдастырды.

(Біздің мектеп наурыз айында карантинда болған себепті бұл іс-шараны кеш өткізіп отырмыз)

Бастауыш сынып мұғалімдерін басқарып іс-шараның басталуы «Наурыз той» көрінісін ұйымдастырып, өткізілуіне мұрындық болған бастауыш сынып мұғалімі Д.Б.Сакенова бастаған ұжым және оқушылары ән-шашу бағдарламасымен қыздыра түссе, ата-аналар ұйымдастыруымен «Тұсау кесу» рәсімін өз нақышында көрсетіп, шашу шашып, бата беріп, ойын-сауықты толықтыра түсті.

Ауызбірлігі бір ортада жарасатын сән-салтанатпен бастауыш мектеп сыныптарының ішінде өскелен ұрпаққа ата-бабамыз мекен еткен, бізге мұра болып жеткен киіз үйді барша көремін деген адамға есіктерін айқара ашып, қарсы алып, дастархандарын жайып отырған ата-аналарымызға алғысымыз шексіз!

 Атап айтатын болсақ: 1 «А», «Ә», 2 «Ә», «Б», 3 «Ә», 4 «Ә», «В».

Мектеп үйірмелерінің бірі «КИОКУШИНКАЙ КАРАТЭ-ДО»  оқушылары өз өнерлерін ортаға салып, топ жарып шыққан оқушы жетістіктерімен керемет көріністерін ортаға салды.

Қазақ халқының қандай тойы ұлттық ойындарсыз болсын? Біздің де оқушыларымыз асық атып, садақ тартып, арқан тартыс жарыстарына қатысып, мектеп атынан марапаттарға ие болды.

Қарағанды қаласының хайуанаттар бағының жұмыскерлері де біздің қуанышымызға ортақтасып - түйе, атарба, понимен серуендетіп, балаларға ұмытылмас әсер қалдырды.

                  Мектеп ұжымының ұйымдастыруымен аулада тегін бауырсақ, наурызкөже, палау таратылды.