111 тәулік бойы сенім телефоны 2016 жылы қараша айында Қазақстан Республикасы Үкіметінің қолдауымен Қазақстан Республикасындағы  БҰҰ ЮНИСЕФ балалар қорымен, Орталық Азиядағы Халықаралық PRI түрмелік реформалардың аймақтық өкілеттілігі мен Қазақстан Жастар –Конгрессінің ынтымақтастығымен құрылған.

Сенім телефоны жұмыс істеген уақытта 7 мың балалар мен жасөспірімдерге жедел көмек көрсетілді, оның ішінде 2229 өтінішке психологиялық, 711 өтініш бойынша  заңдық көмек көрсетілді.

Балалар мен жасөспірімдер арасындағы 111 суицидтік оқиғаның және 42 балаларға қатігездікпен қарау оқиғасының алдын алып, ересектер тарапынан сексуалдық зорлық көрген 7 балаға психологиялық қолдау көрсетілді.  

Ұлттық және халықаралық эксперттердің көзқарасы бойынша балаларға жедел психологиялық және заңдық көмек көрсету жөніндегі сенім телефоны қызметін кеңейту мен жетілдіруді қажет ететін әлеуметтік әмбебап механизм болып табылады.