Қазақстан Республикасы Тәуелсіздігінің 25 жылдық мерекесіне орай  5 «Ә» сыныбында дене шынықтыру пәнінен мұғалімдер Қасымов С.А. және Молдабаев М.Р. ұйымдастыруымен  «Ұлттық нышан –ұлттық ойын» тақырыбында «Асық ойнау білеміз бе?» атты сайыс сабағы өткізілді. Іс-шараның мақсаты: ұлттық ойындарды насихаттай отырып, ойын түрлерімен таныстыру,  балалардың күштілік, ептілік, жылдамдылық, икемділік қасиеттерін дамыту, еліміздің болашағы ұлттық рухты, елжанды, Отанымыздың патриоттары, саналы да сапалы жеке тұлға қалыптастыру. «Ханталапай», «Омпы» т.б. кеңінен танымал асық ойындары ойнатылды. Оқушылардың қызығушылығы жоғары болды.