Жеткіншек ұрпақтың функционалдық сауаттылығын бірлесе арттыру, орта мектептер мен кәсіптік-техникалық білім беру ұйымдары арасындағы  қарым-қатынасты нығайту, кәсіби-техникалық білімді дамыту мақсатында №101 мектеп-лицейі мен Карағанды технологиялық көлік колледжі арасында өзара тиімді ынтымақтастық орнаған. Ынтымақтастықты дамыту аясында жүзеге асып жатқан игі шаралардың біріне колледж студенттерінің лицей оқушыларымен бірлесіп кәсіптік байқау өткізуін жатқызуға болады. Карағанды технологиялық көлік колледжінің 3 курс студенттері Мұқашев Нұрхат, Қайыржанов Темірлан “Автокөліктерді техникалық қызмет көрсету және жөндеу” курсы бойынша лицей оқушыларымен   өткізген кәсіптік байқауы студенттердің колледжде алған білімдерін шыңдай түсті, сонымен қатар оқушылардың кәсіби қызығушылықтарын оятып, олардың болашақ мамандық таңдауына игі ықпалын тигізді.