Желтоқсанның оныншы жұлдызында  Қарағанды гуманитарлық колледжінде «Ұлы даладан – Мәңгілік Елге» тақырыбында ғылыми-теориялық конференция өтті. Конференция «Білім, ғылым және өндірістің біргуі негізінде техникалық және кәсіптік білім беру сапасын қамтамасыз ету» атты IV облыстық ғылыми-практикалық конференцияның шеңберінде Қазақстан Республикасының Тұңғыш Президенті және Тәуелсіздік күніне арналған студенттер мен жоғары сынып оқушылар арасында өтті.

 №101 мектеп-лицейінің 9 Ә сынып оқушысы Карсембаева Әмина «Ел Басы жолы- дамудың кепілі» секциясында «Жүсіп Баласағұнның «Құтты Білік» шығармасындағы «Мәңгілік Ел» идеясының тарихи негіздері» тақырыбында баяндама жасады. Ғылыми жетекшісі Өмірзақова Бахит Ерембековна.

 8 сынып оқушысы Ауғалиева Д. «»ЭКСПО-2017» секциясында «Орталық Қазақстанда баламалы энергия түрін пайдаланудың жолдары» тақырыбында баяндама жасады.Ғылыми жетекшісі Искакова Л.М. – география пәні мұғалімі. Конференцияға облыс мектептерінен №101 мектеп-лицейінің оқушылары ғана қатысқанын айта кету керек. Бұл дарынды оқушыларымыз үшін үлкен тәжірибе. Оқушылар мен жетекшілері қатысқан үшін  Қарағанды облысының білім басқармасының  Сертификатымен марапатталды.