14 қарашада   № 101 мектеп-лицейінің  6 «Ә» сыныбы  «Суды сақтаушылар» тақырыбында 7мемлекеттің (Беларусь, Қазақстан, Қырғызстан, Таджикстан, Түркменстан, Өзбекстан, Азербайджан )  қатысуымен  өткізіліп  жатқан  халықаралық  экосабаққа   қатысты.

      Жоба «Суды сақтаушылар» халықаралық  білім  беру  жобасы « PepsiCo»  компаниясының  бастамасымен  « ЭКА Жасыл» қозғалысының  қолдауымен  жүзеге  асырылды.

       «Суды сақтаушылар» халықаралық  экосабағының  мақсаты -  мектеп  оқушыларын бүкіл  планетамыздың, соның  ішінде  өз  туған  өлкесінің  су  қорларына  жауапты  болуын  қалыптастыру  және  суды  күнделікті  тұрмыста пайдалануда  үнемділікке  үйрету.

      Жоба  өз  алдына  өте  маңызды  мақсат қойды. Сабақты басты  кейіпкер Капаның  саяхатымен  бастадық. Сабақ  барысында  география пәнінің   мұғалімі  Ләззат  Марибаевнаның  жетекшілігімен  оқушыларға  үйлерінде, мектепте, табиғатта  күннен – күнге  суды  үнемдеу  бойынша  қарапайым  әрекеттерді  адымдап  үйреніп  отырды. Экосабақ  барысында  оқушылар  су  ресурстарының  экономика, әлеуметтік тұрмыста, планетаның  экожүйесі  үшін  қаншалықты  бағалы  екенін  түсіндік. ХХI ғасырдағы  сумен  байланысты  аса өзекті  мәселелері  туралы  танысып, білді.

       Экосабақтың  бекітілу  кезеңінде  оқытушы    А4   көлеміндегі  қағаздан  покетмодтарды  қалай  дайындау  керектігін  түсіндіріп, көрсетті.Оқушылар  покетмодтарды (суды  сақтау  туралы кеңестер  жазылған  қалта  кітапшаларын) дайындап, кітапшаларға  бүгіннен  бастап    күнделікті  тұрмыста, мектепте, табиғатта  суды сақтау  жөнінде  өздерінің  қарапайым  кеңестерін  жазды.

      Қорытындысында  оқушылар  ең  қымбат байлығымыз  суды  күнделікті  тұрмыста  үйімізде, мектепте, табиғатта  қалай  сақтау  керектігін  үйреніп, білді.