22 қазанда  №101 мектеп – лицейінің  7 Е сыныбында  тәрбие  сағаты  әдеттегіден өзгеше  өткізілді.Сынып жетекші Искакова Л.М. және кітапхана меңгерушісі Ахметжанова С.Г. ұйымдастыруымен сынып оқушылары   Назарбаев  зияткерлік  мектебіне  барып, 8 сынып оқушыларымен кездесіп, өзара  әңгімелесіп,оқушылардың жасаған әр түрлі жобаларын көріп, танысты. Олар қазіргі уақытта білімнің маңыздылығы, көп тілділік, уақытты бос  өткізбей  кітап оқып, салауатты  өмір салтын ұстану, жан- жақты спорт түрлерімен айналысу, мақсат қоя білу, сол мақсатқа жетудің  жолдары   жайлы өзара әңгіме өткізіп, болашақтағы Қазақстанның  дамуына әр оқушы жауапты екендері жайлы әңгімелесті. Кездесу соңы мектептегі  кітапхана  меңгерушісі Ахметжанова С.Г. ұйымдастыруымен  өткен «Кітапты тап» тақырыбында өткізілген  ойын-тәрбие сағатымен аяқталды.Саяхат-тәрбие сабағы қызықты өткенін №101 мектеп – лицейінің  оқушылары  жоғары  бағалап, Назарбаев зияткерлік мектебінің 8 сынып оқушыларына және кітапхана меңгерушісі Ахметжанова С.Г. алғыстарын білдірді.