Қазақстан Халықтары ассамблеясының 20 жылдығы аясында 13 қазан күні Қарағанды қаласының жастармен жұмыс орталығының қызметкерлерімен «Қазақстан – ортақ үйіміз» тақырыбында лекция өтті. Іс-шара диалог түрінде өткізілді, 8-11 сынып оқушылары сұрақтар қойып, өз пікірлерімен бөлісті.

Қазақстан Халықтар ассамблеясы – бұл тілі, діні, көзқарасы әртүрлі ұлт, ұлыс өкілдерін біріктірген негізгі құрылым. Әр азаматтың даралық қасиеттері болғанымен, бізді ортақ мүдде, ортақ мақсат біріктіреді. Ол – Отанға деген махаббат, мемлекетте тыныштық пен бейбітшілікті сақтау. Бұл ұйымды құру Н.Назарбаевтың идеясы. Алғашында ассамблея саяси бағдарда құрылса, қазіргі таңда ол қоғамның әр саласын – мәдениет, білім беру, дін, халық шаруашылығы және т.б. қамтиды. Елбасының бастамасын қолдай отырып, ол отыз дамыған елдер қатарына кіру, «Нұрлы Жол» экономикалық саясатын, «Мәңгілік Ел» патриоттық бағдарламаларын ақпараттық-насихаттау жұмысымен де айналысады.