7 “А” сыныбында “Мақсатқа жету жолдары” тақырыбында арт-терапиялық сабақтың элементтерін қолдана отырып психологиялық сағат өткізілді.
Арт-терапия – тұлғаның эмоциялық жағдайын түзетуге, ішкі күйзелістерін жеңілдетуге және өзін-өзі тануға бағытталған психологиялық әдіс. Бұл әдіс вербалды қарым-қатынас қиындық туғызатын жағдайда да оқушының ішкі әлемін бейнелік түрде ашуға мүмкіндік береді.
«Арманыңды алақаныңа бейнеле» жаттығуы проективтік әдіс элементтеріне негізделген. Алақан бейнесі – тұлғаның «мен» кеңістігін символдық түрде көрсетеді. Оқушы өз армандарын осы кеңістікке орналастыру арқылы болашаққа деген көзқарасын, құндылық бағдарларын және ішкі уәждерін білдіреді.
Жасөспірімдік кезеңде (12–13 жас) тұлғалық өзіндік сана қалыптасу үдерісі қарқынды жүреді. Осы кезеңде болашақ мамандық, әлеуметтік рөл және өмірлік мақсат туралы алғашқы саналы ойлар пайда болады. Арт-терапиялық тәсілдер осы үдерісті қолдап, оқушының өзіндік бағалауын және позитивті «Мен-концепциясын» қалыптастыруға ықпал етеді.
Сонымен қатар, шығармашылық әрекет:
эмоциялық шиеленісті төмендетеді;
өзін-өзі еркін көрсетуге жағдай жасайды;
сынып ішіндегі сенімді атмосфераны күшейтеді;
коммуникативтік дағдыларды дамытады.
Педагог-психологы: Топаева А.Ж.
Практиканттар: Сариева Алина, Тойбекова Сабина

#АдалАзамат
#Жасампаздықжәнежаңашылдық
#Созиданиеиноваторство
#goroo_krg
#oqu_agartu_ministrligi
қарағандымектептері