Ғалыммен кездесу
«Өнегелі өмір» жобасы аясында Ыбырай Алтынсарин атындағы мектеп-лицейінде оқушылар мен педагогтардың техника ғылымдарының кандидаты, ҚР Білім академиясының корреспондент-мүшесі, профессор, есімі мансапты дамыту кабинетіне берілген мектеп-лицейдің ғылыми жетекшісі, Сәбит Сейітұлы Контаевпен кездесуі өтті.
Қонақ тыңдаушылардың сұрақтарына жауап берді, ауылдық жерден келген баладан бастап әлемге әйгілі ғалымға дейінгі өзінің кәсіби мансабының қалыптасуы туралы айтты. Сәбит Сейітұлы Қарағанды облысының біліктілікті арттыру институтының ректоры ретінде барып, аралап көрген шетелдік мектептер туралы өз әсерімен бөлісті. Тоқсаныншы жылдары құрылған лицейдің «рухын» сақтауға, өз болашағын өз мүдделеріне, тілектері мен мүмкіндіктеріне қарай жобалауға кеңес берді.
Ғалыммен әрбір кездесу - ол педагогтармен жомарттықпен бөлісетін қызықты идеялар. Жаңа кездесу де осы үрдістен тыс қалмады: Сәбит Сейітұлы сыйға тартқан идеялар мектеп-лицейдің қызметінде көрініс табатын болады.

#АдалАзамат
#Жасампаздықжәнежаңашылдық
#Созиданиеиноваторство
#goroo_krg
#oqu_agartu_ministrligi
қарағандымектептері