Бүгін мектепте “Дос бол, лайк!” атты керемет шара өтті!
Жаңа күн — жаңа білім, жаңа мақсаттар!

Бұл шараның басты мақсаты — оқушыларға достықтың шынайы мәнін түсіндіру, бір-біріне қолдау көрсетудің, жақсы сөз айтудың, жылы қарым-қатынастың қаншалықты маңызды екенін сезіндіру болды.

Балалар өз ойларымен, сезімдерімен бөлісіп, бір-біріне “лайк” беріп, жақсы қасиеттерін атап, достықтың тек әлеуметтік желідегі батырма емес, жүректен шығатын шынайы қарым-қатынас екенін ұғынды.
Олардың жүздеріндегі күлкі, бір-біріне деген сыйластық пен құрмет — бүгінгі шараның ең үлкен жетістігі. 

Осындай тәрбиеге бағытталған кездесулер оқушылардың бойында мейірімділік, жанашырлық, қолдау көрсету сияқты қасиеттерді нығайтады.
Біз әрбір баланың жүрегінде достық оты сөнбей, әрдайым жанында жақсылыққа жетелейтін достары болуын қалаймыз. 

“Дос бол, лайк!” — тек іс-шара емес, бұл бір-бірімізге мейірім сыйлауға шақыру.
Барлық қатысушыларға алғыс! Жүрегіміз мейірімге толы болсын!

#АдалАзамат
#Справедливостьиответственность
#Әділдікжәнежауапкершілік
#goroo_krg
#oqu_agartu_ministrligi
#школыкараганды