Қазақстан Республикасының Президенті Қасым-Жомарт Тоқаевтың халыққа жолдауы – ел дамуындағы маңызды кезеңнің айғағы.Президент 2025 жылды Жұмысшы мамандықтары жылы деп жариялағанын айтты. Бұл шешім техникалық және кәсіби білім беру жүйесін реформалауға, сондай-ақ еңбек нарығында сұранысқа ие мамандарды даярлауға бағытталған. Жұмысшы мамандықтарына сұраныс артқаны ескеріліп, техникалық және кәсіптік білім жүйесін жаңғырту — еңбек нарығына бейімделген жастар даярлаудың негізі болып табылмақ. Біз ұстаздар біліктілігімізді арттыра отырып, осы бағытта жұмыс істеуге дайынбыз. Өйткені ұлт болашағы ұстаздардың қолында.
Жас ұрпақты тәрбиелеуде Президент ұлттық құндылықтарға, адамгершілікке, еңбекқорлыққа баулу маңызды екенін айтты. Бұл – тұлғаны жан-жақты дамытуға бағытталған дұрыс ұстаным. Президенттің білім саласына қатысты бастамалары уақыт талабына сай әрі жүйелі. Сапалы мектеп салумен қатар, мамандар мен оқу құралдарын жетілдіру де қатар жүруі тиіс болуын өте маңызды деп ойлаймын.
Білім саласына бөлінген қаржының тиімді әрі әділ жұмсалуы – басты мәселе екенін айта отырып, білім ұйымдарында Жасанды интеллект технологиясын жетілдіру керек екеніне баса тоқталып өтті. Жолдаудағы білімге қатысты ұсыныстар – болашаққа салынған инвестиция. Ендігі міндет – осы тапсырмаларды нақты іске асыру бізге, еліміздің ұрпағын тәрбиелеп отырған біздерге байланысты екенін жете түсінуіміз қажет.

#адалазамат
#енбекқорлықпенкәсібибіліктілік
#ценностьтрудолюбиеипрофессионализм
#отбасылықдәстүрлер
#отбасыкүні
#goroo_krg
#oqu_agartu_ministrligi
#школыкараганды
#goroo_krg
#школыкараганды