2025 жылдың 30 сәуірінде «№14 мектеп-гимназия» КММ базасында кәмелетке толмағандар арасындағы құқық бұзушылықтың алдын алу, оқушылардың Жол қозғалысы ережелері бойынша білім сапасын арттыру және оқушылардың жолда қауіпсіз жүріс-тұрысын сақтау ережелерін насихаттау мақсатында Қарағанды қалалық білім бөлімі Қарағанды қалалық полиция басқармасымен бірлесіп жол қозғалысы жас инспекторлары жасақтарының қалалық слетін өткізді.
Аталған іс-шараға қаланың 8 мектебінің №14 МГ, №26 ЖББМ, №33 МББК, М.Жұмабаев атындағы гимназия, №85 ЖББМ, №95 МГ, Ы.Алтынсарин атындағы МЛ, Ә.Ермеков атындағы МЛ командалары қатысты.
Жарыс 7 кезеңде өтті: жол ережесінің білгірлері, үгіт-насихат тобы, велосипедпен мәнерлеп жүру, жас жол реттеушісі, эрудиттер турнирі, жас санитар, ашық үзіліс.
Жарыс жеңімпаздары болып №95 МГ - 1 орын, №33 МББК, Ы.Алтырсарин атындағы МЛ - 2 орын, Ә.Ермеков атындағы МЛ, №14 МГ - 3 орын шықты.
№95 МГ - ның жас инспекторлар командасы облыстық кезеңде өз өнерлерін көрсетеді.