Қарағанды облысының білім басқармасы, Қарағанды облысында білім беруді дамытудың оқу-әдістемелік орталығы және Ы.Алтынсарин атындағы мектептер Альянсының жоспарына сәйкес 6 ақпан сағат 10.00. Қарағанды қаласының білім бөлімі «Ыбырай Алтынсарин атындағы мектеп-лицейі» КММ-де Қостанай қаласы Ы.Алтынсарин мемориалдық музейімен жасалған Меморандум аясында офлайн форматта Ыбырай Алтынсариннің Қостанай облыстық мемориалдық музейінің басшысы Оспанов Марғұлан Бақытбекұлымен шығармашылық кездесу ұйымдастырылатынын хабарлаймыз. Кездесу барысында Алматы қаласында өткен «Ұлы Жібек жолымен-2022» Халықаралық көрмеде «Жылдың үздік кітабы» номинациясы бойынша гран-приді иеленген «Ұлт ұстазы» атанған - Ыбырай Алтынсариннің туып- өскен өлкесі мен қажырлы қызметі жайында оқырманға жаңаша сыр шертер - «Ыбырай. Даланың таза бұлағы» атты кітаптың тұсаукесері болады.