Қамқоршылар күні

Ы.Алтынсарин атындағы мектеп-лицейінде бүгінгі күнде 9 қамқорлыққа алынған отбасының балалары білім алуда. Барлығының жағдайы ойдағыдай, қамқоршылар балаларға қолдарынан келгенше көмектерін аямай, өз балаларындай қарап, мәпелеп, білім мен тәрбие беруде. Халқымыз жетімі мен жесірін жылатпаған, сондықтан біздің мемлекет те тағдыр тәлкегіне ұшыраған осы сынды балаларға ерекше назар аударуда.

Елімізде Қамқоршылар күні мерекесі жыл сайын аталып өтеді. Осыған байланысты біздің мектеп те бұл атаулы күнді назардан тыс қалдырған емес. Өткен оқу жылында әр отбасына Алғысхат пен  арнайы сыйлықтар таратылды.

Әрине, өмірдің қатаң сынына ұшыраған балапандарды қанаттарыңыздың астына алып, қамқор болып отырған ата-аналар, сіздердің еңбектеріңіз ұшан-теңіз! Сіздердей мейірімді, жанашыр жандар қатары көбейе берсе екен. Бүгінгі Қамқоршылар күні мерекесінде сіздерге темірдей мықты денсаулық, сарқылмас сабырлық тілейміз!

              Сіздердің таза көңілдеріңіз балаларыңыздың жан-дүниесін нұрландырып, жүрегіне шапағат нұрын төгуде. Сіздерден тәрбиеалып, өмір теңізіне құлаш ұрған балапандарыңыздың алдағы өмірде алар асуы биік болып, болашағы жарқын болсын деп тілейміз және солай боларына сенеміз!