Ахмет Байтұрсынұлының ойларын жүзеге асырамыз

2022 жылдың 14 сәуірінде Қарағанды қаласының білім бөлімінің ұйымдастыруымен Ахмет Байтұрсынұлы мектеп-гимназиясы қабырғасында А.Байтұрсынұлының 150 жылдығына арналған «Ахмет Байтұрсынұлының педагогикалық мұрасы» қалалық форумы өтті.  

Осы форумның бір бағыты «Ұлт ұстазы ізімен...» білім көрмесінде мектебіміздің директоры Раиса Амертаевна Кенешова  «Ыбырай Алтынсарин мен Ахмет Байтұрсынұлының ағартушылық жолындағы үндестігі» тақырыбында А.Байтұрсынұлының «Ақжол» еңбегіндегі «Егін егу»,  «Шаруа жайында» мақалаларын мектеп-лицейіміздегі бүгінгі күнгі білім беру жүйесімен байланыстырып стенд баяндама ұсынып, Ыбырай Алтынсарин айтқандай, мектеп ұстаздарының ұстанымы: «Маған жақсы мұғалім бәрінен де қымбат, өйткені мұғалім – мектептің жүрегі», мақсаты: «Мектеп мақсатқа жетуді қамтамасыз ететін білім беруі керек» екенін форум қатысушыларына нақты дәлелдер арқылы жеткізе білді. Ұлылар үндестігін ұштастыра жазылған баяндама көпшілік көңілінен шықты.