2022 жылдың 14 наурызы күні №101 мектеп-лицейде «Өнегелі өмір» жобасы аясында Көрісу күніне орай С.Сейфуллин атындағы Қарағанды облыстық академиялық қазақ драма театрының әртістерімен кездесу ұйымдастырылды.

Кездесуге 8-сынып оқушылары шақырылды. Шара барысында театр тұлғалары өздерінің өнегелі өмірінен сыр шертіп, оқушылармен емен-жарқын әңгіме жүргізді. Өнер адамдары театр сахнасында атқарып жүрген еңбектерінің қыр-сырын оқушыларға қызықты етіп жеткізді. Кәсіптік бағыт-бағдар ретінде де өз ақыл-кеңестерін берді.

Оқушылар өздерін қызықтырған сұрақтарын ортаға салып, өте тартымды , қызықты кездесу болды.

Шара соңында театр әртістері баянмен ән шырқап, поэзия да оқып, өздерінің жан-жақты қырларынан көрсете білді.

Оқушылар да, өнер адамдары да кездесуден үлкен әсер алып, қоштасты. 

Қазақ өнерінің, қазақ сахнасының ғұмыры мәңгі болғай!

@saken_teatry ұжымына зор алғыс білдіреміз!