22. 01.2022ж. күні сағат 11.20-да оқу сауаттылығы апталығы аясында «Мен елімнің ертеңімін» деген тақырыпта 8 «А» сынып оқушыларының арасында дебат турнирі өтті. Мақсаты: Оқушыларды белгілі бір фактілерді зерттеуге, болжауға, жүйелеп сөйлеуге, өз көзқарасын ашық түрде айтуға баулу.

«Ел болашағы» тобы «Болашақ тек жастардың қолында!» деген тақырыпта өз ойларын, аргументтерін нақты келтіре отырып, регламент уақытын сақтай отырып, жүйелі түрде сөйлей алды. «Қыран» тобы болса, таныстыруларын ерекше сөздермен айшықтап, «Болашақ тек жастардың ғана қолында емес» деген тақырыпты толық аша білді. Нақты дәлелдер келтіріп, өз білгендерін ортаға салды. Бір-бірінің сұрақтарына да толыққанды жауап бере алды. Әділ қазы алқасының шешімі бойынша екі топ та ерекше болғандығын және дебат ережелерін сақтағандығын айта келе, екеуін бөліп жармай, жеңіске екі топ та лайықты деп тұжырымдады. Дебатқа қатысқан оқушылар шебер сөйлей алуымен және ойларын толық жеткізуімен ерекшеленді.

Ұйымдастырушы: Султанбекова А.К.