*Қазақстан тәуелсіздігіне - 30 жыл*
Тәуелсіздік – еліміздің баға жетпес байлығы. Тәуелсіз – әлемдегі ең құдіретті сөз. Ел еркіндігі. Қазақстан тәуелсіздігіне 30 жыл. Осы уақыт аралығында Қазақстан әлемде жеке дара дербес ел екенін дәлелдей білді. Өзінің белгіленген шекарасы, діні мен тілі, мемлекеттік рәміздері мен ұлттық құндылықтары, мәдениеті мен салт-дәстүрі бар тәуелсіз зайырлы елге айналды.
1991 жылы 16 желтоқсан әлем картасында жаңа жас Қазақстан Республикасы пайда болды. Бұл тәуелсіздік қанша ғасырдан бері ата-бабаларымыздың аңсаған арманы, аналарымыздың көз жасы. Осынау мерекеге орай 4 "Г" сыныбында " Тәуелсіздік - тәу етер жалғыз кием!" тақырыбында мерекелік шара өтті. Мереке оқушыларға көтеріңкі көңіл- күй сыйлады. Тәуелсіздіктің тарихы, желтоқсан оқиғасы туралы айтылды. Оқушылар дайындаған әдеби монтаж тәуелсіздіктің қастерлі, қасиетті ұғым екенін айшықтай түсті. Музыка пәні мұғалімі Заит Пернегүлмен бірлесе өткізген мерекелік шарада балаларға патриоттық тәрбиемен қатар берілген тың деректер жеткіншектердің білім көкжиегін кеңейтуге бағытталды. Сынып жетекшісі: Адамова Зауреш Халиматовна