Жалпыға міндетті оқу қорынан қандай көмек көрсетіледі?

1. Күніне бір рет ыстық тамақ беріледі;
2. Мектеп формасы мен спорттық киім, аяқ киіммен қамтамасыз етеді;
3. Мектепке қажетті оқу құралдары (дәптер, қаламсап, т.б.) ұсынады;
4. Жаздық лагерлерге кезекпен жібереді;
5. Мәдениет пен спорт іс-шараларына қатысуға мүмкіндік береді;
6. Әлеуметтік қорғау бөлімінен әлеуметтік жол жүру билетін рәсімдей алады (Поспелов көшесі 16)

Оны кімдер ала алады?

Біріншіден, мемлекеттік атаулы әлеуметтік көмек алуға құқығы бар отбасылардан шыққан балалар;

Екіншіден, мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балалар;

Үшіншіден, жетім балаларға, ата-анасының қамқорлығынсыз қалып, қамқорлыққа алған отбасыларда тұратын балалар;

Төртіншіден, төтенше жағдайға тап болғандықтан шұғыл көмек керек отбасы балаларына.

Бесіншіден,жоғарыда көрсетілген санаттарға кірмей, бірақ көмекке мұқтаж болсаңыз, онда сізге мектепке барып өтініш қалдыруға болады. Оны білім беру ұйымының алқалы басқару органы қарастырып, шешім қабылдайды.