19.03.21. күні  №101 мектеп-лицейінің 1 А сыныбында "Армысың,Әз-Наурыз"атты тәрбие сағаты өтті. Бірнеше топты құраған сынып оқушылары Наурыз мерекесіне өлең жолдарымен шашу шашып,құттықтауларын жеткізді .

«Білгірлер»тобы сыныптастарына  жыл атауларын суреттер арқылы түсіндіріп берді. «Тапқырлар» тобы жеті ата ұғымын талдап берсе, «Достық» тобы қазақтың ұлттық тағамы наурыз көженің қалай даярланатыны жөнінде  ойларымен  бөлісті. «Бірлік» тобы ұлттық ойындарымыз туралы айта отырып, «Арқан тартыс»  ойынын шебер ұйымдастырды.Ал, «Шеберлер» және «Алғырлар» топтары көктемнің алғашқы гүлдері   бәйшешек  пен  жауқазын гүлдерін өз қолдарымен жасап, достарына ұсынды.

Сынып жетекшісі: Байсеркина Б.М.