Ағымдағы жылдағы қаңтар айының 18-і мен 23-і аралығы Қарағанды облыстық білім беруді дамытудың оқу-әдістемелік орталығының ұйғарымымен "Оқу сауаттылығы" апталығы болып бекігені белгілі. Осынау игілікті шараға Қарағанды қаласындағы №101 мектеп-лицейінің оқушылары да белсене қатысуда. Соның бір дәлелі - "Дала ділмарлары" тақырыбындағы шешендік өнер бойынша қойылған отбасылық сахналық қойылым. Мектебіміздегі 5 "В" сыныбының озат оқушыларының бірі Қанатов Мейірланның отбасы да осынау шараға белсене қатысып, өз өнерлерін ортаға салды.
Қаз дауысты Қазыбек бидің ділмәрлығын дәлелдейтін "Он саусақ" атты шешендік әңгімені шебер сахналаған отбасы мүшелері өз өнерлерімен көрермендерін тәнті етті. Ендеше, осынау апталық аясындағы іс-шаралардан оқушылардың ұтқаны көп.
Баға жетпес байлығымыз - ана тіліміз мәңгілікке салтанат құра берсін, құрметті қауым!..
Бұланбаев Д.Д., №101 мектеп-лицейінің қазақ тілі мен әдебиеті пәнінің мұғалімі.
Авторство:
