16 желтоқсан – ата бабамыздың арманы орындалып, жасампаздығымызды жаңа белеске көтерген Тәуелсіздік күні. 1991 жылғы 16 желтоқсанда президент Нұрсұлтан Назарбаев қол қойған Конституциялық Заңнан бастау алған тәуелсіздігімізге 29 жыл толды. 4 "А" сыныбының оқушылары мереке қарсаңында мектебіміздің медиаорталығында  "Тәуелсіздік  тәу етер жалғыз кием!" тақырыбында сынып сағатын өткізді. Аталмыш шарада мектеп кітапханашылары мен 4"А" сыныбының жетекшісі Адамова Зауреш Халиматовна оқушылармен сұхбаттасып, ата - бабамыз аңсаған тәуелсіздігіміздің тарихына шолу жасады. Оқушылар "Тәуелсіздік күні" тақырыбына дайындаған эсселерін оқып, жыр шумақтарымен өрнектеді. Тәуелсіздігіміздің тұғыры берік болып, көк байрағымыз мәңгілік желбірей берсін! Еліміз аман, жұртымыз тыныш болсын!