№ 101 мектеп -лицейі кітапханысында жаңадан ашылған медиаорталықта Рухани келісім күніне арналған іс-шараға 4 «Б» сынып оқушылары қатысты. «Бір шаңырақтың астында» жобаның жетекшісі Умирзакова Б.Е. балаларға осы күннің маңыздығы туралы айты. Медетбек Кәусар және Амантай Айша мейрімділік туралы өлеңдер оқыды. Оқушыларға бейнеролик ұсынылды. Қарағанды облысының Қазақстан халқы Ассамблеясы төрағасының орынбасары Увайс Хаважиевич Джанаев Рухани келісім күні қалай пайда болғаны туралы айтты. 

«Бұл күн елімізде 1992 жылғы 18 қазаннан бері жыл сайын атап өтіліп келеді және Қазақстандағы әлеуметтік маңызды күндердің бірі болып есептеледі. Алматыда Рухани келісімнің Бірінші Халықаралық конгрессте Манифест қабылдады. Бұл күні соғыс, тартыс, келіспеушіліктерге тыйм салынды.

Иә, ел тұтастығы мен рухани келісімнің маңыздылығы адамзаттың үйлесімді де берекелі өмір сүруінде алатын орны ерекше екені белгілі. Қашан да татулығы жарасқан, ауыз бірлігі мен достастығы үйлесім тапқан ел бір арнаға түйісіп, халықтың тілегі мен ынта – ниеті асыл, тілек – армандары орындалып, бақытты қоғам әрі бейғам өмір кешетіндігі ежелден белгілі.

ХХI ғасырда  жетілуге көптеген мүмкіндіктер ашты. Жастарға  айтатыным – болашақ сендерде. Барлықтарыңызды Рухани келісім күнімен құттықтаймын, оқуда үлкен жетістіктерге жетіңдер, өмірде бақытты болыңдар».

Соңында балалар Татулық гүлін құрастырды. Оның жапырақтары келісім, төзімділік, мейрімділік деген сөздерден құралды.

Кітапханашы Жанара Серікқызы балаларға жаңа кітаптар туралы, жаңа форматта заманауи озық технологиялардың енгізілуімен медиаорталықтың ерекшеліктері туралы айтты.