2 наурызда №101 мектеп-лицейде Алғыс күніне арналған шара өтті, оған 8-сынып оқушылары қатысты. Бұл күн барлық қазақстандықтардың бір-біріне деген мейірімділік, достық пен сүйіспеншілігінің жарқын мерекесі болды.

Жиналғандардың алдында қонақтар – облыстық Аналар кеңесінің мүшесі Казбекова Марьям Мұхтаровна, Қарағанды облысының "Вайнах" ШЭСО төрағасының орынбасары Измайлов Зелимхан Асхабович сөз сөйледі.

Олар көптеген халықтар үшін тарих беттерінде қалған қиын-қыстау шақтарды, оларға қазақ халқының көрсеткен қонақжайлылығы мен қамқорлығы жайлы айтып берді.

Енді бейбіт заманда, жер аударылып келген халықтың ұрпақтары қазақ халқына шын жүректен алғыс білдіреді. Барлықтарына 9 сынып оқушысы Болат Нұрсаттың "Көроғлы"күйін асқан шеберлікпен орындаған өнері ұнады. Іс-шара "Бір шаңырақ астында" жобасы аясында өтті, жетекшісі Умирзакова Б.Е.