28.02.2020ж. №101 мектеп-лицейде «Оқушылардың кәсіби тұрғыда өзін-өзі анықтауға қалыптасуы» Ашық есік күні өтті. Шараға қатысушылар – мектеп директорларының орынбасарлары, психологтар, мұғалімдер.

Мектеп-лицей директоры Кенешова Раиса Амертаевна қазіргі жағдайда кәсіби өзін-өзі анықтау проблемасын шешудің басты қиындығы, бір жағынан, экономикалық, әлеуметтік және психологиялық проблемалардың жиынтығымен, екінші жағынан, жеке тұлғаның кәсіптік және тұлғалық таңдауын тек мектепте ғана емес, өмір бойы жүзеге асыру дайындығының жеткіліксіздігімен анықталып отырғандығын айтты.

Аталған қарама-қайшылық мектеп-лицейде кәсіптік бағдар беру жүйесін құру қажеттілігін анықтады. Қарағанды облысы «Өрлеу» БАҰО ПҚ БАИ инновациялық білім және ақпараттық технологиялар кафедрасының меңгерушісі, «Педагогика және психология» мамандығының PhDпо докторы, мектеп-лицейдің ғылыми жетекшісі Ибрагимова Гульнара Каиржановна ұжымға көмек көрсетті.

Оқушыларды мамандық әлемімен таныстыру үшін мектеп-лицей мұғалімдері ұйымдастырудың әртүрін қолданады: сабақтар, сынып сағаттары, факультативтік және үйірме сабақтары, жоба аясындағы жұмыстар. Қонақтар жұмыс нәтижесімен Ашық есік күнінің практикалық бөлімінде кеңінен танысты.