2020-жылдың тамыз айында қазақтың ұлы ақыны, ойшыл, композитор, қоғам қайраткері, қазақ жазба әдебиетінің негізін қалаушы және оның алғашқы классигі – Абай Құнанбаевтың туғанына 175 жыл толады.

Мемлекет басшысы Қасым-Жомарт Тоқаев Семейде өткен кездесуде Үкіметке Абайдың мерейтойына қатысты барлық шараны дайындау қажеттігін тапсырды: «...Біз тарихтан тағылым алып, ата-бабамызға құрмет көрсететін халықпыз. Ұлы Абайдың мұрасы "Рухани жаңғыру"-дың маңызды бағыты болуы тиіс», - деді президент. «Бұл біздің ата-баба алдындағы парызымыз және өскелең ұрпаққа көрсететін үлгіміз», - деп Мемлекет басшысы сөзін толықтырды.

Қазақ халқының ең даңқты ұлы мен дана тәлімгеріне ұрпағы мәңгі өшпес махаббатын білдіру үшін 2019ж. 30-тамызында №6-5 кітапхана-ақпараттық орталығының оқу залында Абай Құнанбаевтың 175 жылдығына арналған "Абайды оқы, таңырқа" атты поэзия мерекесін өткізді.