Эстетикалық цикл апталығы аясында музыка пәнінің мұғалімі Гродникова Н.В. мектептегі үгітбригадамен бірге кеңес әскерлерін Ауғанстаннан шығару күніне арналған шара ұйымдастырды. 4,10 және 11 сынып оқушылары жүректен шыққан жылы сөздерін үлкен құрметпен жеткізе білді. 1979 жыл және бүгінгі күн... Барлығы есімізде, себебі бұл біздің тарих, біздің ортақ дертіміз. Әскерге шақыру, баласын сағынған ана, қайғы мен қуаныштың көз жасы: осының бәрі әп-сәтте көрген түстей көз алдымыздан өтті. 4Е сынып оқушысы Анна Кимнің орындауында «Соғыстың болмағанын қалаймыз!» әні шырқалды. Шындығында, әлем тыныш, әдемі болып, көктен шуақты күн төгіліп, бүлдіршіндер бақытты балалық шағында бейбіт елде өмір сүрсе екен! Шарамыздың қонағы ауған соғысына қатысқан ардагерге зор алғыс айтып, тағзым еттік. Шара соңында 4Г және 6-сынып оқушылары «Атамекен» әнін шырқады. Бұл ән бірлік пен бейбітшілікке шақырған әсем ән болды!