14 ақпан 2020ж. 9В сынып оқушылары Ауғанстаннан әскерлерді шығаруға арналған "Ауғандық жалын" атты ерлік сабағын өткізді. Кітапханашы 15-ақпан атаулы күн екенін атап өтті. Ол Кеңес әскерлерінің шектеулі контингентін Ауғанстан аумағына кіргізу себептерін, біздің әскерлеріміздің қандай қатігездікпен бетпе-бет келгенін айтты. Кеңес армиясының сарбаздары мен офицерлері басқа соғыстарға ұқсамайтын соғыс жүргізді. Бұл соғыс майдансыз, қайсарлы да қайғылы, Ұлы Отан соғысына қарағанда екі есе ұзақ соғыс болды. Жас жігіттер өзге елде қысылтаяң жағдайда қатерлі күйде болды. Кітапханашы белгілі Қара майор туралы, Борис Керімбаевтың ерлігі және сегіз ай бойы Пандшир шатқалын ұстап тұрған оның батальоны туралы әңгімелеп берді. Бұл туралы Амангелді Жантасовтың "Қара майор отряды" және "Екінші мұсылман" кітаптарынан білуге болады. Әдебиетке шолу жасай отырып, қаза болған қарағандылықтарға арналған "Боздақтар", «Ауған 1979-1989» естелік кітабы және Бақытбек Смағұлдың "Тағдыр тәлкегі" кітабына ерекше назар аударды. Шараның жабылу барысында кітапханашы оқушыларға бейбіт өмірде, сабақтарын жақсы оқып, елінің адал азаматы болуға тілек білдірді.