Қазақстанның бірлігі – халықтар достығында!

   Осындай ұранмен 13-ақпан күні бірінші сыныптар арасында Қазақстан халқы Ассамблеясының 25 жылдығына орай «Бір шаңырақ астында» фестивалі өтті. Шараның мақсаты – шығармашылық қарым-қатынас арқылы оқушылардың бойында ұлттық салт-дәстүрді түсінуге және құрметтеуге деген оң көзқарас қалыптастырып, өзге ұлт өкілдерімен толерантты қарым-қатынаста болуға тәрбиелеу. Мереке Қазақстан Республикасының әнұранын шырқаумен басталды. Бірінші сынып оқушылары Қазақстан аумағында тұратын халықтарды көрсетті. Шараны еліміздің ежелгі тұрғындары қазақ халқы ашты. Сондай-ақ Ресей, Белоруссия, Үнді, Германия және Украина елдері көрсетілді. Балалар ұлттық әндер айтып, өлеңдер оқып, би биледі. Ата-аналардың көмегімен әдемі киімдер тігілді. Оқушылар әр халықтың ұлттық киімімен, биімен, мәдениетінің ерекшелігімен жақынырақ танысты. Фестиваль балаларға көтеріңкі көңіл-күй сыйлады.