Бастауыш мектеп декадасы шеңберінде №101 МЛ-де ЭКО-сән үлгісін көрсететін тәрбиелік шара өтті. 4Ж, 4Е, ЗЕ, 1Ж және 1И сынып оқушылары ата-аналарымен бірігіп қайта өңделетін шикізаттан керемет костюмдер әзірледі. Оқушылардың жұмыстарын экология және киімді үлгілеу, сән әлемінің эксперттерінен құралған әділқазылар алқасы бағалады. ЭКО-дефиле қорытындысы 31-қаңтар күні өткізілетін декаданың жабылуына арналған салтанатты жиында жарияланады.

Іс-шара барысында балалар тұрған жеріміздің таза, әдемі әрі қауіпсіз болуы үшін қоқысты жинап жүруге шақырды. Сонымен қоса қалдық түрлері мен оларды реттеу мерзіміне қарай қоқысты сұрыптау жөнінде өткізген оқушымыздың зерттеу жобасының фрагменттері көрсетілді. Осы жұмыс балаларға мобильдік қосымшаны әзірлеу қажеттігі жайында ой тастады. Қосымша арқылы адамдар ҚалКомТранс-пен байланысқа шығып қалдықтарды өңдеу, кәдеге жарату немесе көму жөнінде ақпарат ала алады. Оқушыларға «Ақылды» қоқыс контейнерлерін құрастыру ұсынылып, үлгілерін мектептік ҒПК-да көрсету керектігі айтылды. Балалар пластикалық бөтелкелердің қайта өңделгеннен кейін қандай затқа айналатынын көрді. Олар түйіршіктердің Ресейге тағы да өңдеуге жіберілетінін, одан холлофайберге айналып, одан әрі Қытайға өткізіп, ол жақтан біздің күртелеріміздің ішіне салатын жасанды мақта тәрізді толтырғыш зат болып өзімізге қайтып келетінін білді.

Мұғалімдер Каликбергенова Г.Б., Омарова М.М., Рахимова Г.Т. балаларды «Ағаш ек.kz» қоғамдық бірлестігінің еріктілер қызметімен таныстырып, мектептегі батарея, макулатура, пластикалық қақпақтар тәрізді қалдықтарды салуға арналған ЭКО бокстарға тастауға шақырды. Қоршаған ортаны қоқыстан тазарта отырып, түскен қаражатқа туған жерімізді көгалдандырып, иесіз жануарларға көмек көрсете аламыз.

ЭКО-сән-ді көрсете отырып, сіздерге айтарымыз:

«Алтын бесік табиғатты сүйемін, Оның ыстық отына да күйемін. Қырлы-сырлы бояуына көз тастап, Жер-Ананы қастерлеумен өтемін!»