№101 мектеп - лицейінде қазақтың ақын - жазушысы Қадыр Мырзалиевтің туғанына 85 жыл толуына орай «Қадырдың қадірлі жырлары» атты естелік - кеш өткізілді.

Мақсаты: Қадыр Мырзалиевтің шығармашылығын насихаттау, қазақ әдебиетінің құндылығын игеру, ана тіліне деген сүйіспеншілікке тәрбиелеу, ұлттық мұраға деген құрметті дарыту.

Кітапханашы оқушыларға ақынның әдеби бай мұрасы жайында әңгімеледі. Оның қаламынан 200-ден аса өлең мен әндердің мәтіні жазылды. Ақындық жинағында оның 50-ден астамы жарыққа шықты. Қ. Мырзалиев драмалық шығармалар мен балалар әдебиетінің әдеби-сыни тұрғыдан авторы болды. Жүргізуші балаларды ақынның шығармашылық өмірбаянымен таныстырып, біршама өлеңдерін оқып берді. Қ. Мырзалиевтің өлеңдерін оқушылар қазақ тілі мен әдебиеті сабағында оқып үйренеді.

Жазушының көптеген шығармалары әлемнің басқа тілдеріне аударылған. Қ. Мырзалиевтің шығармалары марапатқа лайық. Орал қаласында Қадыр атамызға арнап ескерткіш қойылды.

Кеш соңында кітапханашы автордың кітаптарына шолу жасады.