03.12.2019 ж. Гүлденсін Елубаевна Ахметова қазақ тілі мен әдебиеті апталығы аясында  7 «А» сыныбында  «Сөздің пірі – Сүйінбай» атты ашық сабақ өткізді. Айтыстың алтын діңгегі атанған Сүйінбайдың сөзге жүйрік айтыскер екенін әр қырынан талдап, жас ұрпаққа ежелден келе жатқан айтыс өнерін кеңінен танытты. Сүйінбайдың сөздерінен ұлы даламыздың ұрпақтары үш жүздің балаларын жинақтап шежіре құрастырды.

Оқу мен жазуды сын тұрғысынан ойлау технологияларының элементтерін ізгілендіру технологиясымен ұштастыра өткізіп, әртүрлі әдіс-тәсілдер арқылы іздендіру жұмыстарын жүргізді. Сабақ барысында өткен тақырыптарды игергені, сабаққа деген қызығушылықтары байқалды. Сабақ мақсатына жетті.