16.11.2019 жылы сағат 09.30-дан бастап №101 мектеп-лицейінде педагогикалық еңбек ардагерлері, ата-аналар қоғамдастығы және мектеп-лицей педагогтарына арналған қалалық «Ұлы дала мұрагерлері» форумына қатысушыларды тіркеу басталып кетті.

Форумның мақсаты еліміздің жалпы білім беру мекемелерінде Назарбаев зияткерлік мектебінің тәжірибесін көрсету арқылы баланың жеке тұлға болып қалыптасуында осы мектептің берері мол екендігін ата-аналарға түсіндіру. Мектеп мұғалімдері шеберлік-сыныптарын өткізе отырып, жаңартылған білім мазмұнының ерекшеліктерімен таныстырады. Ата-аналар қоғамдастығы заманауи сабақтың қалай өткізілетіндігіне, жаңа білім жүйесінің қалай енгізілетіндігіне, нәтижесінде оқушылардың білімінің қалай бағаланатындығына көз жеткізеді.

Форум бағдарламасында облыстық және мектептік жобаларды көрсету қарастырылған: «Авиамодельдеу», «Болашақ инженерлер», «BookCrossing», «Шеберлер қаласы», «Әділ дүкен», «Ұлттық спорттық ойындар», «STEAM-білім», «100 күйдің тарихы», сонымен қатар көркем өнерпаздар концерті бар.