2019 жылғы 26 тамызда Қарағанды қаласының №101 мектеп-лицейінің базасында "Қазақстан Республикасында білім беруді және ғылымды дамытудың 2016 - 2019 жылдарға арналған мемлекеттік бағдарламасын жүзеге асыру жағдайында жаратылыстану пәндерін оқытудың өзекті мәселелері" тақырыбында физика, математика мұғалімдерінің педагогикалық тамыз кеңесінің секциялық отырысы өтті.

Барлығы 155 адам қатысты.

   Отырыс білім беру мазмұнын жаңарту аясында өтті. Мемлекеттік саясаттың негізгі бағыттарын және өткен оқу жылындағы қызмет нәтижелерін талдауды ескере отырып, білім беруді одан әрі дамыту міндеттері талқыланды.

Келесі мәселелер қаралды:

1. 2019-2020 оқу жылында ҚР жалпы орта білім беретін мектептерінде оқу процесін ұйымдастырудың  ерекшеліктері туралы әдістемелік-нұсқау хат (Сулейманова Г. О., қалалық білім бөлімінің әдіскері, Дюсембаева М. К., №82 ЖББОМ директорының орынбасары Бадыкова А. Е., № 81 ЖББОМ директорының орынбасары).

2. 2018-2019 оқу жылына жұмысты жоспарлау.

Отырыстың екінші бөлімінде төрт секциялық жұмыс ұсынылды:

1. "ЖМБ пәндерді оқытуда IT-технологиясын қолдану" тақырыбында шеберлік сынып - Қиябай М. Қ., "Мұрагер" ММИ география пәнінің мұғалімі.

2. "CLIL көмегімен физика және информатика сабақтарында тілдік және пәндік білімді қалыптастыру" тақырыбында семинар-тренинг - Балабаева А. К., "№79 НОМ" КММ физика және информатика мұғалімі.

3. "Критериалды бағалау. Физика пәнінен білім сапасын қалай арттыруға болады?" атты дөңгелек үстел - Жүсіпбекова С. И., "С. Саттаров атындағы №57 МЛ" КММ физика пәнінің мұғалімі.

4. "Үштілділік-заман талабы" шеберлік сыныбы What is CLIL - Жунусова Д. Ш., "№93 гимназия" КММ физика пәнінің мұғалімі.

    Педагогтер физика және математика пәнін оқытуда IT технологиясын қолдану және үш тілде білім беруді іске асыру бойынша жұмыс тәжірибесімен бөлісті. Әр секцияда отырысқа қатысушылар ұсынылған мәселелерді талқылауға белсене араласты. Топпен жұмыс істеу кезінде алқалық шешімдер қабылданды.

 Соңында отырыстың қорытындысы шығарылып, Қарағанды қаласы білім бөлімінің кешенді іс-шаралар жоспарына енгізілетін ұсыныстары ұсынылды.