"№101 мектеп-лицей" КММ-нің базасында Ұлттық білім Академиясымен бірлесе отырып Ы.Ы. Алтынсарин атындағы ұлттық білім академиясының корреспондент-мүшесі, т.ғ.к., профессор, Қарағанды облысының білім беруді дамытудың оқу-әдістемелік орталығының әдіскері Контаева Сәбит Сейітұлының 70 жылдық мерейтойына орай "Өткеннің тәжірибесінен кемел болашаққа" атты республикалық конференция шеңберінде панельдік-электронды сессия өткізілді.

Осы сессияның жұмысына Қарағанды облысының мектеп және балабақша директорлары қатысты. Облыстық және қалалық мектептер мен балабақшалардың тәжірибесі ұсынылды: Балқаш қаласының Абай атындағы №2 лицейі, Жезқазған қаласының №8 гимназиясы, Саран қаласының "Бахыт" балабақшасы, Қарағанды қаласының "Бәйтерек" балабақшасы, № 9 гимназия және № 101 мектеп-лицейі.

Панельдік-электронды сессияның соңында Құрмет пен көпжылдық ынтымақтастық белгісі ретінде № 101 МЛ ғылыми жетекшісі, "Ерте бейіндеу негізінде үздіксіз кәсіптік білім беру" моделі аясында оқушылардың кәсіби өзін-өзі анықтау идеясының авторы, т. ғ.к., профессор С. С. Контаев атындағы Кәсіби мансап кабинетінің салтанатты ашылуы өтті.