01.03.2019 жылы Кеншілер Мәдениет сарайында 1-наурыз «Алғыс айту» күніне арналған мерекелік іс-шара ұйымдастырылды. Шараға Қарағанды қаласындағы түрлі этнос ұйымдарының өкілдері, Кеншілер Мәдениет сарайының «Көз көргендер ардагерлер» ансамблі, Кеншілер Мәдениет сарайының домбыра үйірмесінің тәрбиеленушілері және №101 мектеп-лицейінің оқушылары Ким Джейсан, Елтай Әділет, Халық Гауһар қатысты. Ким Джейсан кәріс этностар атынан алғыс айтып, құттықтау сөз сөйледі. Джейсан Мағжан Жұмабаевтың «Мен жастарға сенемін» өлеңін оқып, көпшілікті таңғалдырды. Елтай Әділеттің орындауындағы «Джамайка» әні тыңдаушылар тарапынан қошеметке бөленді. Ерекше дауысымен көрермендерді таңқалдырған Халық Гауһар халық әні «Қалқаны» орындады. Соңынан Кеншілер Мәдениет сарайының ұжымы ұстаздар Заит Пернегүл, Багжанова Баян Нұрланбековнаға алғыс айтып, оқушыларға «Жыр жинағы» кітабын табыс етті.