15-қарашада мектеп әкімшілігінің ұйымдастыруымен  қазақ бөлімінің 7 «А», 7 «Б» сынып  ата-аналарына арнап І тоқсан нәтижесі бойынша «Жаңартылған білім мазмұнына бірге қадам басайық» деген тақырыпта ата-аналар жиналысы өткізілді. Жиналыстың мақсаты: І тоқсан нәтижелерімен таныстыра отырып бөлімдік және тоқсандық жиынтық бағалауда кездесетін тапсырма түрлерімен таныстырып, бағалау жүйесіне түсініктеме беру. Жиналыс барысында қазақ тілі және қазақ әдебиеті пән мұғалімі Б.Ж. Махаева, химия пән мұғалімі Е.А.Жортарова, физика пән мұғалімдері Ш.К. Сатенова мен Г.Ж. Каримова бөлімдік жиынтық бағалауда оқушылардың жиі жіберетін қателері бар тапсырмаларды ата-аналар өздері орындап, берілген тапсырманы критериалды бағалау жүйесінде қорытып, ұпайды бағаға аудару тәсілдерімен таныстырылды. Жиналыс барысында ата-аналармен мектеп психологтары А.Ж. Топаева мен С.Е. Қадау рефлексия өткізіп, оқушы-мұғалім-ата-аналар көпірін бекіту мақсатында өте үлкен жұмыс жасады.