№ 101 мектеп – лицейінің кітапханасында қараша айының 7-ші жұлдызында кітапхана меңгерушісі Ж.С. Мухамеджанованың ұйымдастыруымен «Мамандығым-мақтанышым» атты тақырыпта іс-шара өткізілді. Шараға 9 «Ә» сынып оқушылары мен сынып жетекшісі қатысты. Бұл шараның мақсаты: оқушыларға болашақ мамандығын тандауға бағыттау, мамандықтар туралы ақпараттандыру, мамандықтарды талдай және таңдай білуге үйрету. Шара барысында әрбір мамандыққа сипаттама беріліп, оқушыларға парақшалар таратылды. Сол парақшаға әр оқушы болашақта қандай маман иесі болғысы келетінін жазды. Келесі бөлімінде  оқушылар екі топқа бөлініп, мамандық, еңбек туралы мақал-мәтелдер айтудан сайыс болды. Барлық оқушы белсенді қатысып, шара өте қызықты өтті. Шара соңында «Мамандығым-мақтанышым» атты кітап көрмесі ұйымдастырылып, әдеби шолу жасалынды.