Міне, жазғы сауықтыру лагерінің бірінші маусымы да аяқталуға санаулы күндер қалды. Алайда достармен бірге жүріп, ойнап-күлу қандай керемет! Бүгін де «ЖАЗ» сауықтыру лагерінің оқушылары ғажайып планеталар алаңына тап болды. Олар қараңғыланған шардың ішінде жатып, аспан әлемін бақылады. Ғаламшарларды көрді, олардың  қозғалысын тамашалады. Өздерін мейлінше бір галактикада ұшып жүргендей сезінген балалар кенет бір тұңғиыққа тап болды, қалықтаған бұлттардың арасында жүрді. Олар аспан әлемін бақылап қана қоймай, бір сәт түпсіз мұхиттың тұңғиығына сүңгігендей болды. Акулалар туралы тамашалаған мультфильмнен керемет әсер алды. Сөйтіп, тамаша түс көргендей, керемет бір ертегі әлеміне шомған балалар планеталар әлемімен қимай қоштасты.