Бүгін ЭкоМұражайға саяхаттаған «ЖАЗ» сауықтыру лагерінің оқушылары керемет бір жаңалықтардың куәсі болды. Балаларға барлық экспонаттарды қолмен ұстап, жақын танысуға рұқсат етілді. Ядролық энергия секциясында балалар түрлі мозайкалар құрастырып, өздері үшін қиын да қызықты іспен айналысты. Сонымен қатар балалар өндірістік цехтар мен қоқысты сұрыптауға арналған контейнерлердің үлгілерімен, суды тазартуға арналған сүзгілермен, электр қуатын өндіруші құрылғылармен танысты. Балалар бұл мұражайға саяхаттауды асыға күтеді және әр барған сайын тың жаңалықтармен білімдерін толықтырып, ой - өрістерін кеңейтіп қайтады.